Sun. Nov 18th, 2018

“တိုက်ပွဲသတင်း”

2016-17

“တိုက်ပွဲသတင်း”

၂၀၁၆ ခုနှစ်၊ဧပြီလ (၁၆) ရက်နေ့တွင် ရက္ခိုင့်တပ်မတော်၊ အမှတ်(၂)စစ်ဒေသ ၊လက်အောက်ခံတပ်ဖွဲ့များနှင့် မြန်မာစစ်တပ်၏ စကခ(၅)လက်အောက် ခံတပ်ရင်း (အမည်စိစစ်ဆဲ) တို့သည် မနက်ပိုင်း တွင်ဘူးသီးတောင်မြို့နယ် “လောရမ”တောင်တန်း အနီးတွင်တစ်ကြိမ်၊ပုဏ္ဏားကျွန်းမြို့နယ်နှင့် ရသေ့တောင်မြို့နယ်အကြား၊  “နတ်သရဲရွာ”အနီး၌နေ့လည် (၁၂)နာရီ (၄၀) ခန့်အချိန်တွင် မြန်မာစစ်တပ်၏စစ်တွေ အခြေစိုက်၊ခလရ (၂၃၂) တပ်ရင်းနှင့်တစ်ကြိမ် စုစုပေါင်းနှစ်ကြိမ်၊နေရာနှစ် နေရာတို့၌တိုက်ပွဲဖြစ်ပွားခဲ့သည်။

လောရမတောင်တန်းအနီးတိုက်ပွဲတွင် စကခ (၅) လက်အောက်ခံတပ်ရင်း (အမည်စိစစ်ဆဲ) မှ အင်အား (၁၀) ထက်မနည်းထိခိုက်ဒဏ်ရာရရှိခဲ့ပြီး အကျအဆုံးများလည်းရှိခဲ့သည်။

နတ်သရဲရွာအနီးတိုက်ပွဲတွင် စစ်တွေ ၊အခြေစိုက်၊ ခလရ (၂၃၂)တပ်ရင်းမှ တပ်ရင်းမှူး အပါအဝင်  အရာရှိများ၊ အကြပ်စစ်သည်များ ကျဆုံးခဲ့ပြီး ထိခိုက်ဒဏ်ရာရသူများနှင့်စစ်ကြောင်း တစ်ကြောင်းလုံးဖရိုဖရဲဖြစ်သွားခဲ့သည်။

အထိအခိုက်နှင့်အကျအဆုံးများသော မြန်မာစစ်တပ်သည်မနေ့ညနေမှစ၍ ရက္ခိုင့်တပ်မတော်၊တပ်ဖွဲ့များရှိနိုင်မည့်နေရာများသို့ ၁၂၀ မမ အပါအဝင်လက်နက်ကြီးများဖြင့်ရမ်းသန်း ပစ်ခတ်မှုများပြုလုပ်ခဲ့သည်။ ထို့အတူ ယနေ့ ဧပြီလ (၁၇) ရက်၊နှစ်ဆန်း တစ်ရက်နေ့တွင် လည်း နံနက် (၁၀) နာရီ (၃၀) ခန့်မှစ၍ ၁၂၀ မမ များဖြင့် ထပ်မံပစ်ခတ်လျှက်ရှိသောကြောင့် အနီးအနားရွာများမှ ရွာသူရွာသားများ မှာ စိုးရိမ်မှုများတိုးပွားလျှက်ရှိနေကြသည်။

မြန်မာစစ်တပ်ဖက်မှ တိုက်ပွဲဖြစ်ပွားရာနေရာများသို့ စစ်ကူအမြောက်အမြားထပ်မံတက်လာသော ကြောင့် တိုက်ပွဲများ ပိုမိုပြင်းထန်လာနိုင်သည်။

 

သတင်းနှင့်ပြန်ကြားရေးဌာန

ရက္ခိုင့်တပ်မတော်