ထုတ်ပြန်ကြေညာချက် အမှတ်၊ ၆/၂၀၁၆

29032541807772918

511661444756938009

United League of Arakan (ULA)/ Arakan Army (AA)

ရက္ခိုင်အမျိုးသားအဖွဲ့ချုပ်/ရက္ခိုင့်တပ်မတော်

ထုတ်ပြန်ကြေညာချက်

အမှတ်၊ ၆/၂၀၁၆

၁၃၇၈ ခုနှစ်၊ တန်ခူးလဆန်း (၁၃) ရက်

(၂၀၁၆ ခုနှစ်၊ ဧပြီလ (၂၀) ရက်)

အများပြည်သူတို့ ငြိမ်းချမ်းစွာ ရေကစားနေကြသည့် နှစ်သစ်ကူးအချိန်ကာလ သင်္ကြန်ရက်များကို အခွင့်ကောင်းယူပြီး မြန်မာစစ်တပ်၏ ဒကစ-စစ်တွေအခြေစိုက် ခလရ(၂၃၂) တပ်ရင်း နှင့် စကခ (၅) ၊ (၉)၊ (၁၅) လက်အောက်ခံတပ်ရင်းများသည် ရက္ခိုင့်တပ်မတော်၊ အမှတ် (၂) စစ်ဒေသလှုပ်ရှား အခြေစိုက်ရာနယ်မြေသို့ ၂၀၁၆ ခုနှစ်၊ ဧပြီလ (၁၆) ရက်နေ့တွင် ရုတ်တရက် စစ်ဆင်ရေး ဝင်ရောက်လာသောကြောင့် မိမိတို့အနေဖြင့် မလွဲမရှောင်သာ ခုခံကာကွယ် ခဲ့ရပါသည်။ ထို့ကြောင့် ရခိုင်ဒေသအတွင်းတွင် အတန်ငယ်ငြိမ်သက်ရပ်နားနေခဲ့သော တိုက်ပွဲများ တစ်ဖန်ပြန်လည် ဖြစ်ပွားလာခဲ့ရပါသည်။

ယခုလည်း မြန်မာစစ်တပ်သည် မိမိတို့ လှုပ်ရှားအခြေစိုက်ရာ အမှတ် (၂) စစ်ဒေသ အတွင်းသို့ ရခိုင်ပြည်အတွင်း၌ရှိသည့် စကခ လက်အောက်ခံတပ်ရင်းများ၊ နပခတပ်ရင်းများ၊ ဒကစတပ်ရင်းများ၊ ရဲတပ်ရင်းများအပါအဝင် ရခိုင်ပြည်ပြင်ပမှ တပ်ရင်းများ၊ လက်နက်ကြီး တပ်ရင်းများဖြင့် အင်အားအလုံးအရင်းသုံးကာ အမြစ်ပြတ်ထိုးစစ်ဆင် တိုက်ခိုက်ရန် ထပ်မံဝင်ရောက်လာသောကြောင့် မိမိတို့အနေဖြင့် မြန်မာစစ်တပ်၏ ထိုးစစ်ဆင် တိုက်ခိုက်လာနေမှုများကို ဆက်လက်ခုခံကာကွယ်သွားပါမည်။

ရခိုင်ဒေသသည် အာဏာရှင်အစိုးရအဆက်ဆက် လက်အောက်တွင် သယံဇာတ မောင်ပိုင်စီးမှုနှင့် လူ့အခွင့်အရေးချိုးဖောက်မှုများကို ဆိုးရွားစွာခံခဲ့ရပါသည်။ ထို့အတူ မြန်မာစစ်တပ်၏ အပြစ်မဲ့အရပ်သားများအား လူသားမဆန်စွာ သတ်ဖြတ်ခြင်း၊ နှိပ်စက်ညှဉ်းပန်းခြင်း၊ အကျဉ်းထောင်ချခြင်း၊ ပြည်သူလူထုများအား လူသားဒိုင်းကာအဖြစ် အသုံးပြုခြင်း၊ ပေါ်တာဆွဲခြင်း၊ အမျိုးသမီးများအား မုဒိန်းကျင့်ခြင်း၊ ရွာသားများထံမှ စားနပ်ရိက္ခာ၊ ပစ္စည်းဥစ္စာနှင့် ကျွဲနွားတိရစ္ဆာန်များကို ခြိမ်းခြောက် ယူငင်ခြင်း စသည့်လုပ်ရပ်များကို ခံခဲ့ရသည်မှာလည်း ယနေ့အချိန်ထိပင်ဖြစ်သည်။ ငရဲခွေးကြီး လွတ်နေသကဲ့သို့ဖြစ်နေသော မြန်မာစစ်တပ်၏ ဤကဲ့သို့သော လုပ်ရပ်များကို လက်ရှိအစိုးရအနေဖြင့် တားမြစ်သင့်ပါသည်။

ယနေ့အချိန်ကာလတွင် မြန်မာနိုင်ငံ၏ လက်ရှိအစိုးရမှာ ဒီမိုကရေစီနည်းလမ်းဖြင့် လူထုမှ ရွေးကောက်တင်မြှောက်ခြင်းခံရသော တရားဝင်အစိုးရဖြစ်ပါသည်။ မြန်မာစစ်တပ်မှ ဤကဲ့သို့ ဥပဒေမဲ့ ပြစ်မှုကျူးလွန်နေသည်များကို ဥပဒေနှင့်အညီ တာဝန်ယူမှု အပြည့်ဖြင့် ဖြေရှင်းဆောင်ရွက်ပေးရန် နိုင်ငံတကာနှင့် ပြည်သူလူထုအသိအမှတ်ပြု လက်ရှိအစိုးရတွင် အပြည့်အဝ တာဝန်ရှိပါသည်။

ရက္ခိုင်အမျိုးသားအဖွဲ့ချုပ်/ရက္ခိုင့်တပ်မတော် (ULA/AA) အနေဖြင့် အထက်ပါ လုပ်ရပ်များကို ကန့်ကွက်ရှုတ်ချပြီး ကမ္ဘာ့ကုလသမဂ္ဂရုံး၊ နိုင်ငံတကာအဖွဲ့အစည်းများနှင့် တစ်ကမ္ဘာလုံးမှ သိရှိနိုင်ရန် ဆောင်ရွက်သွားပါမည်။ မိမိတို့အနေဖြင့် ပြည်သူလူထုမှ ရွေးချယ်ထားသော တရားဝင်အစိုးရနှင့် နိုင်ငံရေးအရ ဖြစ်ပေါ်လာသော ပြဿနာများကို နိုင်ငံရေးအရ တွေ့ဆုံဆွေးနွေးရန် အမြဲတမ်း အဆင်သင့်ရှိနေသလို အမျိုးသားရင်ကြား စေ့ရေးအတွက်လည်း အကောင်းဆုံး မျှော်လင့်ထားပါသည်။ အခြားတစ်ဖက်တွင် လူသားတို့၏ မွေးရာပါအခွင့်အရေးဖြစ်သော မိမိကိုယ်ကိုမိမိ ခုခံကာကွယ်ပိုင်ခွင့်အရ မိမိတို့ ရက္ခိုင့်တပ်မတော် အနေဖြင့် ရခိုင်ပြည်သူလူထုနှင့် လက်တွဲပြီး ထိုးစစ်ဆင်တိုက်ခိုက်နေမှုမှန်သမျှကို ခုခံတိုက်ပွဲဝင်သွားပါမည်။

 

သတင်နှင့်ပြန်ကြားရေး

ရက္ခိုင်အမျိုးသားအဖွဲ့ချုပ်/ရက္ခိုင့်တပ်မတော်

 

Email; unitedleagueofarakan@yahoo.com

ဆက်သွယ်ရန်ဖုန်း – + ၈၆ ၁၅၇၀ ၆၉၂၄ ၉၇၀

+ ၉၁ ၉၇၇ ၄၉၅ ၃၂၃၄