ဗိုလ်လောင်းများ ကျဆုံးခြင်း နှစ်နှစ်တိတိပြည့် ဝမ်းနည်းခြင်း

19/11

၂၀၁၄ ခုနှစ် နိုဝင်ဘာလ (၁၉) ရက်နေ့တွင် ညီနောင်မဟာမိတ်တပ်မတော်အသီးသီးမှ
တက်ရောက်လျှက်ရှိသော ကချင်လွတ်မြောက်ရီးတပ်မတော် (KIA) ၏ဗိုလ်သင်တန်းကျောင်းဝင်း
အတွင်းသို့ မြန်မာစစ်တပ်မှ အကြောင်းပြချက်တစ်စုံတစ်ရာမရှိဘဲ အငိုက်ဖမ်းအကောက်ကြံပြီး
လက်နက်ကြီးဖြင့်တမင်တကာရည်ရွယ်၍ပစ်ခတ်တိုက်ခဲ့ပါသည်။

တစ်နည်း ပြည်ထောင်စုတပ်မတော် (FUA) ဖြစ်လာစေရန်ရည်ရွယ်ချက်ဖြင့် ကချင် (KIA) ၊ ချင်း (CNA) ၊ တအာင်း/ပလောင်(TNLA) ၊ ရခိုင် (AA) ၊ ဗမာ (ABSDF) အစရှိသည့် တိုင်းရင်းသား
လက်နက်ကိုင် တော်လှန်ရေးမဟာမိတ်တပ်အသီးသီးမှ အရည်အချင်းပြည့်ဝသောသူများကိုရွေးချယ်ပြီး အရာရှိ ဖြစ်လာမည့်သင်တန်းပေးနေသည့်အချိန်ဖြစ်သည်။

၎င်းပစ်ခတ်တိုက်ခိုက်မှုကြောင့်ယင်းဗိုလ်သင်တန်းတွင်တက်ရောက်လျှက်ရှိသည့် ဗိုလ်လောင်း
အားလုံးထဲမှ ဗိုလ်လောင်း (၂၃)ဦး ကျဆုံးခဲ့ရပြီး (၂၀) ဦးမှာ ဒဏ်ရာပြင်းထန်စွာရရှိခဲ့ကြသည်။
၎င်းအထဲတွင် ရက္ခိုင့်တပ်မတော် (Arakan Army) မှတက်ရောက်လျှက်ရှိသည့်
ဗိုလ်လောင်း (၂၀) ဦးထဲမှ (၈) ဦး ( ဗိုလ်လောင်း ကျော်ခန့်၊ ဗိုလ်လောင်း ခိုင်ထွန်း၊
ဗိုလ်လောင်း ထက်ထက်အောင် (ခ) ခိုင်ထက်အောင်၊ ဗိုလ်လောင်း ကိုစောတင်၊
ဗိုလ်လောင်း ရဲဝင်းထွန်း၊ ဗိုလ်လောင်း အောင်အောင်သန်း၊ ဗိုလ်လောင်း ရန်လင်းစိုး၊
ဗိုလ်လောင်း သိန်းသန်းနိုင်)မှာ ၎င်းနီရာတွင်ပင် ကျဆုံးခရပြီး နောက်ထပ်(၅) ဦးမှာ ပြင်းထန်စွာဒဏ်ရာရရှိခဲ့သည်။

ဤကဲ့သို့အငိုက်ဖမ်း ယုတ်မာစွာတိုက်တိုက်သတ်ဖြတ်ခြင်းကိုခံခဲ့ရသည့် ဗိုလ်လောင်းများနှင့်
သက်ဆိုင်သော ဘဝတူ တိုင်းရင်းသားမဟာမိတ်အဖွဲ့အစည်းများအနေဖြင့်သမိုင်းတွင်
မည်သည့်အခါမှမေ့ပျောက်လိမ့်မည်မဟုတ်ပါ။၎င်းနေ့သည်ပြည်ထောင်စုစိတ်ဓာတ်ဖြင့်
အလုပ်လုပ်နေကြသူများကို ပြည်ထောင်စုမဖြစ်လိုသူများမှ ဖျက်စီးပစ်လိုက်သည့်နေ့တစ်နေ့လည်း
ဖြစ်သည်။

ယနေ့ ၂၀၁၆ ခုနှစ် နိုဝင်ဘာလ ၁၉ ရက်နေ့သည် ၎င်းတိုက်ခိုက်ခံရမှုကြောင့် ရက္ခိုင့်တပ်မတော်မှ
သူရဲကောင်းများအပါအဝင် အခြားဗိုလ်လောင်း များအသက်ပေးဆပ်စွန့်လွှတ်သွားခြင်းသည်
နှစ်နှစ်တိတိပြည့်သည့်နေ့ဖြစ်ပါသည်။ ဤနေ့ဤရက်တွင်သူရဲကောင်းများကို ဦးညွတ်ဂါရဝပြုယင်း
ကျန်ရစ်သူမိသားစုဝင်များနှင့်အတူ မိမိတို့ (ULA/AA) အနေဖြင့်ထပ်တူထပ်မျှ ဝမ်းနည်းကြေကွဲ
ရကြောင်းကို အလေးအနက်ပြောကြားအပ်ပါသည်။

News Update

လက်ရှိအခြေအနေ

လက်ရှိအခြေအနေ
၂၀၁၆ ခုနှစ်၊ နိုဝင်ဘာလ ၁၈ ရက်။

ရက္ခိုင့်တပ်မတော် နှင့် မြန်မာစစ်တပ်တို့သည် ကာလအတန်ကြာ ရင်ဆိုင်တိုက်ပွဲကြီးများ
မရှိခဲ့သော်လည်း ကြိုကြားကြိုကြားပြောက်ကြားတိုက်ပွဲများမှာလွန်ခဲ့သော နိုဝင်ဘာလ ၁၄ ရက်၊
တန်ဆောင်မုန်းလပြည့်နေ့တွင်ပင်ရှိခဲ့သည်။ ၎င်းနေ့တွင်နှစ်ဖက်တိုက်ခိုက်မှုများရှိခဲ့သလို နှစ်ဖက်
ထိခိုက်ကျဆုံးမှုနှင့်ဒဏ်ရာရမှုများရှိခဲ့သည်။

နိုဝင်ဘာလ ၁၅/၁၆ နေ့များတွင် မြန်မာစစ်တပ်၏ လက်နက်ကြီးဖြင့်ပစ်ခတ်တိုက်ခိုက်မှုကြောင့်
ပီချောင်းဖျားဒေသ၊ အထက်ပီ၊ အောက်ပီ၊ ကုလားတန်မြစ်ဖျား၊ ကင်းတလင်းရွာများမှ ရွာသူရွာသားများမှာ အထိတ်တလန့်ဖြင့်လက်နက်ကြီးလွတ်ကင်းရာဒေသသို့ တိမ်းရှောင်လာခဲ့ကြရသည်။ ထို့အပြင်
အချို့ ရွာသူရွာသားများမှာ စိုးရိမ်ထိတ်လန့်ကြောင့်ကြမှုများနှင့်အတူတောထဲတွင်ပုန်းအောင်းနေရပြီး စားသောက်နေထိုင်ရေးအခက်အခဲများလည်းရှိနေသည်။

ဤတိမ်းရှောင်အိမ်ထောင်စုများအထဲမှ ဗုဒ္ဓဘာသာ၊ ခရစ်ယာန်ကိုးကွယ်သူများပါဝင်သော
မိသားစု ၃၀ ခန့် အစုအဖွဲ့တစ်ခုအား မိမိတို့ ULA/AA မှ ကောင်းမွန်စွာစောင့်ရှောက်ထားပြီး
စားနပ်ရိက္ခာ၊ဆေးဝါး၊အဝတ်အထည်၊အနွေးထည်နှင့်ကျန်းမာရေးစောင့်ရှောက်မှုများကို
ကူညီဆောင်ရွက်ပေးလျှက်ရှိပါသည်။

ထို့အပြင်မြန်မာစစ်တပ်၏ မြေမြှုပ်မိုင်းကြောင့် အရပ်သားတစ်ဦးခြေထောက်ဒဏ်ရာ(ပြင်းထန်)ရရှိခဲ့မှုကိုလည်း မိမိတို့ ULA/AA မှ ဆေးဝါးကုသစောင့်ရှောက်ပေးလျှက်ရှိသည်။ တိမ်းရှောင်လွတ်မြောက်လာသည့် ရွာသူရွာသားများ၏ ပြောကြားချက်အရ မြန်မာစစ်တပ်နှင့်အတူ တစ်နိုင်ငံလုံးအပစ်ရပ်
လက်မှတ်ရေးထိုးထားသည့် အဖွဲ့ငယ်တစ်ဖွဲ့(မည်သည့်အဖွဲ့ဖြစ်ကြောင်းရှင်းရှင်းလင်းလင်းမသိရသေးဘဲစုံစမ်းဆဲ)အတူပါလာကြောင်းကိုလည်းသိရှိရသည်။

ရက္ခိုင့်တပ်မတော် အနေဖြင့် မိမိတို့လှုပ်ရှားရာစခန်းများ၊ နေရာများ ၊ မြန်မာစစ်တပ်နှင့်ရင်ဆိုင်
တိုက်ခိုက်သည့်တိုက်ပွဲနေရာများတွင် မိမိတို့အား တိုက်ခိုက်လာသောမည်သည့်အဖွဲ့ကိုမဆို
တိုက်ခိုက်သွားရန် ညွှန်ကြားထားပြီးဖြစ်သည်။

တပြိုင်နက်တည်းတွင်ဤကဲ့သို့ မြန်မာစစ်တပ်၏ ရခိုင်ဒေသနှင့် ရခိုင်နယ်စပ်တွင်မိမိတို့
ရက္ခိုင့်တပ်မတော်အားထိုးစစ်ဆင်တိုက်ခိုက်နေမှုများကြောင့် စစ်ဘေးရှောင်ရွာများမှာပိုမိုများပြား
လာဖွယ်ရှိနေပြီး အဆင်းရဲဆုံးဒေသတစ်ခု၏ စားဝတ်နေရေး၊ဖွံ့ဖြိုးမှု၊ပို့ဆောင်ရေးကဏ္ဍ မှာ ဆက်လက်ကျဆင်းဖွယ်ရှိနေသည်။

ယခုအချိန်ကာလသည် ရက္ခိုင့်တပ်မတော် နှင့် မြန်မာ့စစ်တပ်တို့၏ စစ်ရေးတင်းမာမှုများနှင့်အတူ
ဆာင်းရာသီကာလဖြစ်သောကြောင့် စစ်ဘေးရှောင်ရွာသူရွာသားများအတွက် ရိက္ခာ၊အနွေးထည်၊
ဆေးဝါးအစရှိသည်ဖြင့်လိုအပ်မှုများရှိနေပါသည်။ ထို့ကြောင့် ဖော်ပြပါလိုအပ်ချက်များကို အမျိုးသားရေးတာဝန်သိပြည်သူများအနေဖြင့်နီးစပ်ရာ ULA အဖွဲ့ဝင်များမှတစ်ဆင့်ကူညီပံ့ပိုးနိုင်ပါသည်။

သတင်းနှင့်ပြန်ကြားရေး
ရက္ခိုင့်တပ်မတော်