ရက္ခိုင့်တပ်မတော်နှင့် သတိုးဓမ္မရာဇာစိတ်ဓာတ်

IMG_7832

ရက္ခိုင့်တပ်မတော်နှင့် သတိုးဓမ္မရာဇာစိတ်ဓာတ်

သမိုင်းကိုစစ်အောင်သူကရီးသည်ဆိုသော်လည်း မှန်ကန်မှုနှင့်ထပ်တူကျရန် လိုအပ်သောသမိုင်း စာစောင်များ ဟိနီကတ်သည်။

မှန်နန်းမဟာရာဇဝင်သည် Burmanization ကိုတည်ဆောက်လိုရုံသက်သက်ဖြင့် (Non Burman Ethnic) မြန်မာမဟုတ်သော ပြည်ထောင်စုအဖွဲ့ဝင် အခြားလူမျိုးများ၏ ပြည့်စုံနီသောသမိုင်းများကို မှုံဝါးအောင်ပြုလုပ် ထားသည်။ ဒေါက်တာသန့်မြင့်ဦးရီးသော (The River Of Lost Footstep) ခြီရာပျောက်မြစ်စာအုပ်မှ သုတေသန ကျကျသုံးသပ်ထားသော “ မည်သည့်တိုင်းတပါးသားမှ ကျူးကျော်၍ မရနိူင်ခသော မြောက်ဦး ” ဟူသော ရက္ခိုင်ရို့အတွက် ခိုင်မာအားပြင်းသော စကားလုံး များသည် ယင်းမှန်နန်းရာဇဝင်တွင် ဝမ်းနှုတ်ဆီးတိုက်ခံထားရသည်။ တစ်နည်းအားဖြင့် ရက္ခိုင်လူမှုဘဝ ထောင်စုနှစ် ငါးခုကျော် ချီတက်လာရာထဲမှ (၁၆)ရာစု၏ ဖြတ်သန်းမှုကို ချန်ထားလိုက်လျှင် ဆားမပါသောဟင်းကဲ့သို့ ဟင်းလျာကောင်းသော်လည်း အရသာပေါ့လျော့လား မည်ဖြစ်သည်။ သို့ဆိုလျှင် သမိုင်းဟူသည် လွန်လီပြီးသောအချိန်များမှဖြစ်စဉ်များကို ကျောက်ထက်အက္ခရာ၊ ပီထက် အက္ခရာတင်၍ မှတ်တမ်း ပြုစုခြင်းသာဖြစ်သည်။ လိမ်လည်၍ရကောင်းသည်မဟုတ်။

ထိုထက်ပို၍သေချာစွာပြောရလျှင် ရက္ခိုင်သမိုင်းသည် ရက္ခိုင်ရို့၏ ကိုယ်ပိုင်ဖြတ်သန်းမှု အတွိအကြုံ ဖြစ်သည်။ ရက္ခိုင်သမိုင်းကို မည်သည့်တိုင်းတပါးလူမျိုးမှလည်း ရက္ခိုင်ရို့လောက် နားလည်ခံစားနိူင် ကတ်ဖို့မဟုတ်။ ရှိခေတ် ရက္ခိုင်ရို့၏ နိတဓူဝရင်ဆိုင်ဖြတ်သန်းမှုတိကို ရုန်းကန်လှုပ်ယှားယင်း ချန်ထားခရေ သမိုင်းနောက်ခံ ဇာတိမာန်ခွန်အားတိကို မည်သည့်တိုင်းတပါးသားမှလည်း မော်လျော့ လျော့နန့်ဖြစ်လားအောင်လုပ်လို့ ရလီဖို့မဟုတ်။ ယင်းပိုင် ခိုင်မာရေ သမိုင်းစာမျက်နှာတိထဲက တောက်ပြောင်ရေလုပ်ဆောင်ချက်တိနန့် သိခွင့်ရရေ မျက်မှောက်ရက္ခိုင်တိုင်းကို ကြက်သီး တဖြိန်းဖြိန်း ထပနာ နှစ်ထောင်းအားရဖြစ်စီရေ စစ်ဖက်ဆိုင်ရာဂေါင်းဆောင် တစ်ယောက် လည်းဖြစ်တေ သူရဲ ကောင်းတစ်ဦးကိုထုတ်ပြချင်ရေ။

သတိုးဓမ္မရာဇာသည် အခြီအနီကို ကြိုတင်သုံးသပ်တတ်သူ၊ ဗလငါးတန်နှင့်ပြည့်စုံပြီး သံခင်းတမန်ခင်း နားလည်ကာ မဟာဗျူဟာကျွမ်းကျင်သူ၊ အခွင့်အလမ်းကိုမြင်တတ်ပြီး ကောင်းစွာ အသုံးချတတ်သူ အဖြစ် မှတ်သား ကတ် သည်။ သူ၏ဖခင် မင်းဖလောင်းနတ်ရွာစံ၍ ရက္ခိုင်သက္ကရာဇ် ၉၅၅ မှ ၉၇၄၊ ခရစ်နှစ် ၁၅၉၂ မှ ၁၆၁၁ အတွင်း မင်းရာဇာကြီးဘွဲ့ဖြင့် ဘုရင့်တာဝန်ထမ်းဆောင်စဉ်တွင်လည်း ̏ အသျှင်မင်းရာဇာကြီး… ကျေးဇူးပြုလျှက် ပဲခူးမြို့ကို ကူညီစစ်တိုက်ပီးပါ။ ပဲခူးမြို့ကိုရလျှင် သမီးကညာ ဆင်ဖြူရတနာရို့ကို ကျွနူပ်ဆက်သပါမည် ̋ ဟူသော လျှောက်ထားလွှာနန့်အတူ လက်ဆောင်ပဏ္ဏာ မြောက်များစွာဆက်သကာ တောင်ငူဘုရင်သီဟသူ၏ အကူအညီ တောင်းခံ မှုကြောင့် ရက္ခိုင် သက္ကရာဇ် ၉၆၀ ခုနှစ်တွင် ရက္ခိုင်မျိုးနွယ်များဖြစ်သော ဒိုင်းနက်စစ်သည်၊ သက်စစ်သည်၊ ကမန် လေးသည်တော် စစ်သည်များနှင့်အတူ ကမ်းယံစစ်သည်၊ ပေါ်တူဂီ စစ်သည်၊ မောက်သူဇာစစ်သည်များ အပါအဝင် စစ်သည်တော်ပေါင်း (၃၂၈၀၀၀) သုံးသိန်းနှစ်သောင်းသျှစ်ထောင်ဖြင့်ဖွဲ့စည်းထားသော တပ်မတော်ကြီးကို ပညာဟိအမတ် မဟာပညာတော်၊ အမတ်ချုပ်ဓမ္မာသောက၊ သားတော်အိမ်ရှိစံ မင်းခမောင်း၊ ပညာဟိဥက္ကာပျံရို့ နှင့်အတူ ရက္ခိုင်ရို့၏ဦးသျှောင် စစ်သေနာပတိချုပ်ကြီးသည် သူကိုယ်တိုင် မြီပြင်စစ်သူကြီးတစ်ဦးအနီဖြင့် ဦးဆောင် ချီတက်ခသည်။

ရေဒီယို၊ ကြေးနန်း၊ ဆက်သွယ်ရီးစနစ်မပေါ်ပေါက်သိသောခေတ်တွင် ရီကြောင်းချီ၊ ကုန်းကြောင်းချီ၊ တပ်အသီးသီးအား စနစ်တကျအုပ်စုဖွဲ့၍ အပိုအလိုမဟိ ပိရိသေသပ်စွာ ညွှန်ကြားမှုများပီးနီခသော ကွတ်ကဲမှုစွမ်းရည်သည် ကမ္ဘာ့စစ်သမိုင်းများမှာတောင် ယှားပါသော စစ်ဘက်ဆိုင်ရာ ဂေါင်းဆောင်မှု တစ်ခုဖြစ်သည်။

မြန်မာ့သမိုင်းတစ်လျှောက်လုံးတွင် အကြီးကျယ်ဆုံး၊ အခမ်းနားဆုံးနှင့် အထိန်လင်းဆုံးဖြစ်သော ဒုတိယ မြန်မာနိူ်င်ငံတည်ထောင်ခသူ ဘုရင့်နောင်၏ ကမ္ဘောဇသာဒီထီးနန်းကို ရက္ခိုင်ဧကရာဇ်ကြီး သည် သူ၏ ရွှီဖဝါးတော် အောက် တွင် ခယဝတ်တွား ဦးညွန့်စီခသည်။ ဟံသာဝတီ၏ ထိပ်ထားသမီးပျို ခင်မနှောင်းအား အကူအညီတောင်းခံသူ ၏ကတိအတိုင်း ဆက်သမှုကို လက်ခံရယူခသည်။ ယင်းအပြင် တောင်ငူဘုရင်နှင့် ယိုးဒယားဘုရင်များအားလည်း သူ၏ ဘုန်းလက်ရုံးအောက်တွင် အခွန်တော်ဆက်သစီခြင်းဖြင့် သိမ်းသွင်းထားခသည်။ ရန်သူအကြောင်းကိုသိပြီး မိမိ အကြောင်းကို သိခြင်း၊ ရန်ငါစည်းပြတ်ခြင်း၊ ရန်သူ၏အားနည်းချက်ကို အငိုက်ဖမ်းနိူင်ခြင်းများအပြင် မိမိ စစ်သည် တော်များကိုလည်း စည်းရုံးမှု၊ မျိုးချစ်စိတ်နှင့် စစ်ရီးသတိများကို အမြင့်ဆုံးအနီအထား တစ်ရပ်တွင် တည်ဆောက်ပီးနိူင်ခြင်း စရေ ဂေါင်းဆောင်မှုစွမ်းရည်များဖြင့် ရက္ခိုင့်တော်ဝင် တပ်တော်ကြီးကို ဦးဆောင်မှုပီးခသည်။ သတိုးဓမ္မရာဇာသည် ရက္ခိုင်ရို့၏ ဂုဏ်ဒြပ်ကို ဘုန်းမီးနီလ တောက်ပ စီခသူဖြစ်သည်။ သူသည် သတ္တိဟိသောလက်နက်ကို ရဲရင့်သော နှလုံးသားဖြင့် ကိုင်ဆောင်၍ ရက္ခိုင်ရို့အတွက် ပြောင်မြောက်သော စစ်ရီးနိူင်ငံရီး လမ်းစဉ် များကို ချပြပီးခသည်။

အတိတ်နှင့်ပစ္စုပ္ပန်ကို ဆက်စပ်ပြီး အနာဂတ်သို့ ခရီးဆက်နီသော ဂနိရက္ခိုင့်တပ်မတော်သည်လည်း လောက သဘာဝအတက်အကျအရ မီးကျည့်ပြာဖုံးအခြီအနီနန့် ခေတ္တရင်ဆိုင်ရသော်လည်း ထက်မြက်သော ဂေါင်းဆောင်ရို့၏ ကိုယ်ရည်ကိုယ်သွီးတိစွာ ဆိတ်သုန်း၍မလား။ လက်ဟိ ရက္ခိုင့်တပ်မတော်ဌာနချုပ်၊ လှိုင်းစရာစစ်သင်တန်းကျောင်းမှ သတိုးဓမ္မရာဇာခန်းမသည် ရက္ခိုင့် စစ်သားများ၏ နှလုံးအိမ်ဝယ် သတိုးဓမ္မရာဇာ၏ အတွေးအခေါ်နှင့် ဝိညာဉ် လိပ်ပြာများ ကွန့်မြူးနီခြင်း ကိုပြသသော သက်သီတစ်ခုဖြစ်သည်။ သတိုးဓမ္မရာဇာသည် အရိုးတွန်သကဲ့သို့ပင် ကျနော်ရို့နန့် အမြဲတမ်းရှင်သန်နီသည်။ ကျနော်ရို့စစ်သည်တော်များသည်လည်း သတိုးဓမ္မရာဇာ မျိုးဆက် များ ဖြစ်ကတ်သည်။ ယင်းကြောင့် ရက္ခိုင့်တပ်မတော်သည် မှန်ကန်သောဂေါင်းဆောင်မှုနှင့် တာဝန်ကျီကတ်သော စစ်သည်တော်ရို့ ပေါင်းစပ်ကာ ရက္ခိတလမ်းစဉ် ရုပ်လုံးကြွလာဖို့အတွက် သွီးသစ်လောင်း ထားခြင်းဖြစ် သည်။ တော်လှန်ဖို့လိုအပ်သည် ဖြစ်စီ၊ ကာကွယ်ဖို့လိုအပ်သည်ဖြစ်စီ အဖပြည်၏ကွက်လပ်မှန်သမျှကိုဖြည့်ဆည်းဖို့ အစဉ်သဖြင့် အသင့်ဖြစ်နီအောင် တည်ဆောက်နီ ကတ်သည်။ သတိုးဓမ္မရာဇာ အတိုးချပနာ လက်စွမ်းပြ လာသော တစ်နိသည် လွတ်လပ်၊ မျှတ၊ လုံခြုံ၊ အီးချမ်းရေ ရက္ခိုင့်လူ့ဘောင်ကို တစ်ဖန်ပြန်လည်ထူထောင်ခြင်းဖြစ်သည်။

ကျမ်းကိုးစာရင်းများ-
၁။ ဦးကျော်ကျော်လှိုင် ̏ ၁၆ ရာစု ဓညဝတီမင်းရို့၏ ဂေါင်းဆောင်မှုကို လိလာခြင်း ̋
၂။ မင်းပြားမင်းသိန်းဇံ ̏ ရက္ခိုင်သူရဲကောင်းစစ်သူကြီးများ ̋
၃။ ပဲခူးမင်းကျောင်းဆရာတော် ̏ ရက္ခိုင်ရာဇဝင်သစ် ̋