၂၀၁၉ ဇန်နဝါရီလ(၁/၂/၃/၄) ရက်၊ရခိုင်ပြည် တိုက်ပွဲသတင်းများ

ရက္ခိုင့်တပ်မတော်သည် ရခိုင်ပြည်အားမတရားနယ်ချဲ့ကျူးကျော်ထားသူတို့အား မောင်းထုတ်နေသောတစ်ခုတည်းသောအဖွဲ့အစည်းဖြစ်သည်။ ထို့အပြင်ဗမာစစ်တပ်နှင့်လက်ရှိအချိန်အထိ တိုက်ပွဲဖြစ်ပွားနေသောအဖွဲ့အစည်းလည်းဖြစ်သည်။

ရက္ခိုင့်တပ်မတော်သည် ရခိုင်ပြည်အတွင်း မည်သည့်အဖွဲ့အစည်းနှင့်မျှ,စစ်ရေး၊နိုင်ငံရေးပူးပေါင်းဆောင်ရွက်ခြင်းမရှိဘဲ တစ်ဖွဲ့တည်းသီးသန့်ရပ်တည်ကာ ရခိုင်တစ်မျိုးသားလုံးမျှော်လင့်နေသော မျှော်လင့်ချက်အား”ရက္ခိတလမ်းစဉ်”နှင့်အတူအကောင်အထည်ဖော်ဆောင်ရွက်နေသောအဖွဲ့အစည်းဖြစ်သည်။

၂၀၁၉ ခုနှစ်၊ ဇန်နဝါရီလ(၁) ရက်နေ့တွင် ဗမာစစ်တပ်နှင့် ရက္ခိုင့်တပ်မတော်တို့သည် ရခိုင်ပြည်၊ ဘူးသီးတောင်မြို့နယ်၊ “စေတောင်”နှင့်”ကန်ပြင်”အကြားတွင်လည်းကောင်း၊ကျောက်တော်မြို့နယ်၊ “သလူချောင်း”ရွာ၊အရှေ့ဖက်ကမ်း၌ လည်းကောင်းတိုက်ပွဲများအသီးသီးဖြစ်ပွားခဲ့သည်။

၂၀၁၉ ဇန်နဝါရီလ(၂) ရက်နေ့တွင်လည်း ရခိုင်ပြည်၊ဘူးသီးတောင်မြို့နယ်၊”နွားရုံတောင်”၏အရှေ့ဖက်တောင်တန်းပေါ်၌တိုက်ပွဲဖြစ်ပွားခဲ့သည်။

၂၀၁၉ ခုနှစ်၊ဇန်နဝါရီလ(၃) ရက်နေ့တွင်ရသေ့တောင်မြို့နယ်၊ဇီးခေါင်း(Zee Hkaung)ရွာအနီး၌ မိမိတို့ရက္ခိုင့်တပ်မတော်၊လှုပ်ရှားစစ်ကြောင်းနှင့် ဗမာစစ်တပ်တို့သည် မိနစ်(၂၀) ခန့်ထိတွေ့တိုက်ခိုက်မှုဖြစ်ပွားခဲ့သည်။

ဗမာစစ်တပ်သည် မိမိတို့လှုပ်ရှားစစ်ကြောင်းများအား ကျောက်တော်မြို့နယ်၊ ရသေ့တောင်မြို့နယ်၊ ဘူးသီးတောင်မြို့နယ်နှင့် ဘင်္ဂလားဒေ့ရှ်/အိန္ဒိယနယ်စပ်များ၌” ဖြတ်လေးဖြတ်စစ်ဆင်ရေး”အပြင် ရဟတ်ယာဉ်များ၊လက်နက်ကြီးပစ်ကူများ၊ရဲတပ်ရင်းများအပါအဝင် စစ်အင်အားအလွန်အကျွံသုံးပြီး ထိုးစစ်ဆင်တိုက်ခိုက်နေခဲ့သည်မှာ နှစ်လ(၂လ) နီးပါးကြာမြင့်ခဲ့ပြီးဖြစ်သည်။

အခြားတစ်ဖက်တွင် ရခိုင်ဒေသမှလွဲ၍ မြန်မာပြည်၏ အခြားတိုက်ပွဲဖြစ်ပွားရာဒေသများ၌ စစ်ရေးလှုပ်ရှားမှုများကို ဗမာစစ်တပ်ဖက်မှ ရက်ပေါင်း(၁၂၀) ရပ်တန့်ထားကြောင်းဒီဇင်ဘာလ(၂၁) ရက်နေ့စွဲဖြင့်ထုတ်ပြန်ခဲ့သည်။

ထို့နောက်တွင် မိမိတို့ ရက္ခိုင့်တပ်မတော်တစ်ဖွဲ့တည်းအား ဇောက်ချထိုးစစ်ဆင်တိုက်ခိုက်မှုများကို ယနေ့ ထက်အထိ လုပ်ဆောင်လျှက်ရှိနေဆဲဖြစ်သောကြောင့် ရခိုင်ဒေသအတွင်း၌ တိုက်ပွဲများ နေ့တိုင်းနီးပါးတောက်လျှောက်ဖြစ်ပွားလျှက်ရှိသည်။ထို့အတူစစ်ဘေးရှောင်အရေအတွက်များမှာလည်း တစ်ရက်ပြီးတစ်ရက်မြင့်တက်လျှက်ရှိသည်။

ဗမာစစ်တပ်၏”ထိုးစစ်”နှင့်”ဖြတ်လေးဖြတ်စစ်ဆင်ရေး”များကြောင့် ဇန်နဝါရီလ(၄) ရက်နေ့၊နံနက်(၆) နာရီ(၃၀) မိနစ်တွင် ပန်ဇီ၊ ကျောင်းတောင်၊ ကျွန်းပေါက် နှင့်ကထီးလှ( ခထီးလှ) ရှိ ရဲတပ်ရင်းစခန်းလေးခု(၄-ခု)ကို မလွဲမရှောင်သာသောအခြေအနေအောက်၌တစ်ပြိုင်နက်တည်း ဝင်ရောက်တိုက်ခိုက်ခဲ့ရသည်။

ရခိုင်ပြည်အတွင်း ရဲတပ်ဖွဲ့များအနေဖြင့် ရခိုင်လူထု၊ ရခိုင်လူငယ်များအား မတရားထိန်းသိမ်းဖမ်းဆီးနေခြင်း၊ အကြောင်းအမျိုးမျိုးပြကာဖမ်းဆီးထောင်ချနေခြင်း၊ ရဲအလုပ်ကိုရဲမလုပ်ဘဲ ဗမာစစ်တပ်နှင့်ပူးပေါင်းကာဖြတ်လေးဖြတ်စစ်ဆင်ရေးများတွင် ပါဝင်နေခြင်းများကို သတိပေးသော်လည်း ပိုမိုအတင့်ရဲကာလက်ရဲဇက်ရဲကျူးလွန်ခြင်းများကို ဆက်တိုက်လုပ်ဆောင်လာနေသည့်အချက်များကြောင့်လည်းယခုကဲ့သို့သတိပေးတိုက်ခိုက်ရခြင်းဖြစ်သည်။

ယနေ့ဇန်နဝါရီလ(၄) ရက်တိုက်ပွဲအတွင်း ဗမာစစ်တပ်သည် ရဟတ်ယာဉ်နှစ်စီးဖြင့် နံနက်(၈) နာရီမှ ညနေ(၃) နာရီအထိခေါက်တုံ့ခေါက်ပြန်လာရောက်ပစ်ခတ်တိုက်ခိုက်ခဲ့သည်။ ထို့အတူရဟတ်ယာဉ်ပေါ်မှဗုံးအချို့သည်”ကထီးလှ(ခထီးလှ) ရွာအတွင်းကျရောက်ပေါက်ကွဲထိမှန်မှုများရှိခဲ့ပြီးရွာသားအချို့ဗုံးစထိမှန်မှုများရှိခဲ့သည်။

ဗမာစစ်တပ်အနေဖြင့်မိမိတို့အားထိုးစစ်ဆင်တိုက်ခိုက်နေမှုများကိုမရပ်တန့်ပါကမိမိတို့အနေဖြင့်မလွဲမရှောင်သာခုခံကာကွယ်သောလုပ်ရပ်များကိုပြုလုပ်ရလိမ့်မည်ဆိုသည်ကို ဇန်နဝါရီလ(၁)ရက်နေ့ကတည်းကထုတ်ပြန်ကြေငြာထားပြီးဖြစ်သည်။

ယနေ့တိုက်ပွဲအတွင်း ခုခံတိုက်ခိုက်သူများမှလွဲ၍ ဖမ်းဆီးထိန်းသိမ်းရမိသောသုံ့ပန်းများ(ကျား ၁၄ + မ ၄ ဦး) အား အန္တရာယ်ကင်းပြီးလုံခြုံစိတ်ချရသောအနေအထားတစ်ခုအောက်တွင် နိုင်ငံတကာစစ်သုံ့ပန်းဥပဒေနှင့်အညီ ပြန်လွှတ်ထားခဲ့ပြီးဖြစ်သည်။ ( Video ရုပ်သံမှတ်တမ်းများပြုလုပ်ထားပြီးဖြစ်သည်)

ယခုရက်များတိုက်ပွဲအတွင်း မိမိတုိ့ဖက်မှ စစ်သည်တော်သုံးဦးတိုင်းပြည်နှင့်လူမျိုးအတွက်သက်ပေးဆပ်စွန့်လွှတ်ခဲ့ရသကဲ့သို့ အလတ်စား၊ပြင်းထန်ဒဏ်ရာရရှိသူအချို့လည်းရှိခဲ့သည်။

သတင်းနှင့်ပြန်ကြားရေး
ရက္ခိုင့်တပ်မတော်
၂၀၁၉ ခုနှစ်၊ ဇန်နဝါရီလ(၄) ရက်၊ ညနေ(၉) နာရီ (၀၅) မိနစ်တွင်ရေးတင်ပါသည်။

About Arakan Army 148 Articles
ULA and AA